Çështja e decentralizimit është bërë shumë e politizuar. Kjo edhe ka çuar ne mungesën e kuptimit te plotë se çfarë u sjellë decentralizimi qytetarëve të Kosovës pa marrur parasysh etninë e tyre.

Kosovo ka 33 komuna tani. Procesi reformës së qeverisjes lokale në Kosovë ka parë krijimin e tri pilot njësive komunale të reja (Hani i Elezit/Deneral Jankovic, Mamushë/Mamusa, dhe Junik) në 2005, dhe më vonë transformimin e tyre në komuna në 2008. Kjo ka qenë njëri ndër zhvillimet më të dalluara për qeverisjen lokale në Kosovë.

Propozimi i Ahtisarit për marrëveshjen për statusin e Kosovës parasheh se katër komuna të reja me shumicë serbe do të krijohen dhe një komunë ekzistuese do të zgjerohet. Interesi serb në krijimin e këtyre komunave ka qenë i vogël për arsye të presionit të Beogradit mbi serbët e Kosovës që te mos marrin pjesë në jetën publike në Kosovë. Në këtë aspekt, shumë do të mvaret nga participimi i serbëve të Kosovës në zgjedhjet lokale të vitit 2009.